خلك مع غيري عسى الله يهنيك

السلام عليكم ورحمة الله وبركاته


خلك مع غيري عسى الله يهنيك
يمكن اكون اللي مضيق حياتك

من عقب ماكان النظر لي يسليك
اصبحت عندك هامش بنياتك

أذكر من أول كان لأمر طاريك
يرجف جسد مغليك زود بغلاتك

واليوم ضاع الحب ربي يجازيك
ماعاد من حبك سوى ذكرياتك

صارت حياتي لعبة بين اياديك
مالك جزى عندي على الله جزاتك

انت الوحيد اللي فؤادي يناديك
وانت الوحيد اللي زايد في غلاتك

والمشكله رغم الالم باقي اغليك
مدري وش اللي شدني صوب ذاتك

ياصعب لما تمسك الجمر بيديك
ويا صعب لما تبي تلحق لشي فاتك



مع تحياتي